რუსეთის ფინანსური მონიტორინგის ორგანიზაციამ „როსფინმონიტორინგმა“ "ნავალნის შტაბები" იმ ორგანიზაციათა ნუსხაში შეიტანა, რომლებიც ექსტრემისტულ და ტერორისტულ საქმიანობაში არიან ჩართული.
ცნობისათვის, მოსკოვის საქალაქო სასამართლომ გუშინ იმსჯელა პროკურატურის მოთხოვნაზე, „ანტიკორუფციული ფონდის“, „მოქალაქეების უფლებების დაცვის ფონდის“ და „ნავალნის შტაბების“ ექსტრემისტულ ორგანიზაციებად გამოცხადების შესახებ. სასამართლო საქმის არსებით განხილვას 17 მაისს გამართავს.
რუსეთის გენერალური პროკურატურა აცხადებს, რომ აღნიშნული ორგანიზაციები სოციალური და საზოგადოებრივ-პოლიტიკური სიტუაციის დესტაბილიზაციის პირობებს ქმნიან და მათი საქმიანობის ძირითადი მიზანი კონსტიტუციური წესრიგის შეცვლისთვის პირობების შექმნაა, მათ შორის "ფერადი რევოლუციის" სცენარის გამოყენებით.