კორონავირუსის საწინააღმდეგო ვაქცინაცია მსოფლიოს 174 ქვეყანაში მიმდინარეობს და ამ დროისთვის გლობალურად ვაქცინების 1.1 მილიარდზე მეტი დოზაა გამოყენებული, რაც პლანეტის მოსახლეობის 7.2%-ის ვაქცინაციისთვისაა საკმარისი, - შესაბამის მონაცემებს გამოცემა Bloomberg-ი ავრცელებს.
პლატფორმის მიხედვით, მსოფლიოში ვაქცინაცია ყოველდღიურად, საშუალოდ, 19.7 მილიონ ადამიანს უტარდება.
ვაქცინების განაწილების ტემპით ახლა უკვე ჩინეთი ლიდერობს, სადაც 243 მილიონი დოზა გაიცა. აშშ-ში ვაქცინის 237 მილიონი დოზა გამოიყენეს, ინდოეთში -152 მილიონი, ევროკავშირში კი 141 მილიონზე მეტი ვაქცინა გაკეთდა. Bloomberg-ის ინფორმაციით, ისრაელში ვაქცინაცია ყველაზე სწრაფი ტემპით მიმდინარეობს, სადაც მოსახლეობის 56.2% ვაქცინის ორივე დოზით აიცრა.