თურქეთმა რუსული წარმოების ვაქცინა „Sputnik V“ საგანგებო გამოყენებისთვის დაამტკიცა.

თურქეთის ჯანდაცვის მინისტრის განცხადებით, ვაქცინით სარგებლობა თურქეთის მედიკამენტებისა და სამედიცინო აღჭურვილობის სააგენტოს მხრიდან დადებითი შეფასების შედეგად გადაწყდა.

ამასთან დაკავშირებით ქვეყნის პრეზიდენტმა რეჯეფ თაიფ ერდოღანმა განაცხადა, რომ ამჟამად თურქეთს საკმარისი ვაქცინა აქვს და ვაქცინებით მომარაგებაში სირთულეები მოსალოდნელი არ არის.

მისივე თქმით, რუსეთთან ამჟამად მოლაპარაკებები მიმდინარეობა.

ერდოღანმა იმედი გამოთქვა, რომ ქვეყანა ვაქცინას მიიღებს. „Sputnik V“ თურქეთში ავტორიზებული მესამე ვაქცინაა ჩინური „სინოვაკისა“ და „ფაზიერ/ბიონტექის“ შემდეგ.

მანამდე ჯანდაცვის მინისტრმა აღნიშნა, რომ რუსეთიდან 50 მილიონი დოზის მიღებაზე აქვთ გაფორმებული კონტრაქტი, რომლის თანახმადაც მაისიდან მომდევნო 6 თვის განმავლობაში უნდა მიიღონ ვაქცინა.