რუსეთმა ევროპარლამენტის პრეზიდენტი „შავ სიაში“ შეიყვანა

რუსეთმა ევროპარლამენტის პრეზიდენტი დევიდ სასოლი „შავ სიაში“ შეიყვანა. ამის შესახებ ინფორმაციას რუსეთის საგარეო უწყება ავრცელებს.

აქვე ნათქვამია, რომ რუსეთის ეს ქმედება პასუხია ევროკომისიის მიერ 2 და 22 მარტს რუსეთის ექვსი მოქალაქის მიმართ დაწესებულ შემზღუდავ ზომებზე.

სამინისტროს განცხადებით, ევროკავშირი განაგრძობს უკანონო ცალმხრივი შემზღუდველი ზომების პოლიტიკას რუსეთის მოქალაქეებისა და ორგანიზაციების წინააღმდეგ.

„ევროკავშირის ამგვარი ქმედებები ეჭვს არ ტოვებს, რომ მათი ნამდვილი მიზანია ჩვენი ქვეყნის განვითარების შეჩერება ნებისმიერ ფასად. ეს ხდება შეერთებული შტატების წახალისებით, რომელიც არ მალავს მის ინტერესს ევროპა ხელახლა მწვავე გეოპოლიტიკური დაპირისპირების ასპარეზად გადააქციოს“, - აცხადებენ რუსეთის საგარეო უწყებაში.

კონკრეტულად კი რუსეთის ტერიტორიაზე შესვლა აეკრძალება ევროკავშირის ქვეყნების 8 მოქალაქეს. დევიდ სასოლის გარდა, სასანქციე სიაში მოხვდა ლატვიის 2 მოქალაქე, ესტონეთის ერთი მოქალაქე, საფრანგეთის დელექაციის წარმომადგენელი ევროსაბჭოს საპარლამენტო ასამბლეაში, ბერლინის პროკურატურის ხელმძღვანელი, შვედეთის ქიმიური, ბიოლოგიური, რადიაციული და ბირთვული უსაფრთხოების ლაბორატორიის ხელმძღვანელი და ევროკომისიის ვიცე-პრეზიდენტი ღირებულებებისა და გამჭვირვალობის საკითხებში ვერა იუროვა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა