ეუთო/ოდირი და ვენეციის კომისია საქართველოს საარჩევნო კოდექსში ცვლილებებთან დაკავშირებით რეკომენდაციებს აქვეყნებს

ეუთო/ოდირი და ვენეციის კომისია საქართველოს საარჩევნო კოდექსში დაგეგმილ ცვლილებებთან დაკავშირებით საერთო რეკომენდაციებს აქვეყნებენ.

ვენეციის კომისიის რეკომენდაციების პირველი ნაწილი ცენტრალური საარჩევნო კომისიის თავმდჯომარისა და კომისიის წევრების არჩევის საკითხს ეხება.

„ოდირი და ვენეციის კომისია საარჩევნო კოდექსის ცვლილებების დამატებით გაუმჯობესებისთვის შემდეგ რეკომენდაციებს გასცემენ:

„ა. კვალიფიციური უმრავლესობის (მაგ. ორი მესამედი) შემოღების განხილვა ან ორმაგი უმრავლესობის პირობა (რაც საჭიროებს უმრავლესობას როგორც მმართველი პარტიის დეპუტატებში, ასევე ოპოზიურ პარტიებში) ცენტრალური საარჩევნო კომისიის თავმჯდომარისა და არაპარტიული წევრების არჩევისთვის, საბოლოო ანტი-ჩამკეტი მექანიზმით. აგრეთვე, საარჩევნო კომისიის არაპარტიული წევრებისთვის მაღალი კვალიფიკაციის მოთხოვნის დაწესება და შერჩევის კომისიის მრავალფეროვნების უზრუნველყოფა, რომელიც ტრანსპარენტულად და დამსახურების მიხედვით წარმართავს ნომინაციის პროცესს.

ბ. ცალკეული უფლებრივი შეზღუდვების გაუქმება, რომელიც მეცამეტე (1) მუხლის ბ და გ პროექტის მიხედვით პარტიის მიერ საარჩევნო კომისიაში წევრის დანიშვნას შეეხება - აღნიშნული ეხება პირობებს პარტიის სახელმწიფო დაფინანსებაზე წვდომასა და მისი როგორც მინიმუმ ერთი წევრის საპარლამენტო აქტივობაში ჩართულობას, რაც ბოიკოტის რეჟიმში მყოფ პარტიებს გამორიცხავს.

გ. საუბნო და საოლქო კომისიების წევრების შერჩევის პროცესის პროცედურები დამატებით უნდა შეიცვლოს, რათა კომისიებში არაპარტიული წევრების დანიშვნისას აგრეთვე უზრუნველყოფილ იქნას გამჭვირვალობა და დამსახურებაზე დაფუძნებულობის პრინციპი. ასევე უზრუნველყოფილი უნდა იყოს პარტიის უფლება დანიშნოს საარჩევნო კომისიებში წევრი იმ პირობის დაკმაყოფილების გარეშე, რომლის თანახმადაც პარტია უნდა იღებდეს დაფინანსებას სახელმწიფოსგან და მისი სულ მცირე ერთი წევრი უნდა ეწეოდეს დეპუტატის საქმიანობას.

დ. კანონის ნათლად განსაზღვრა იმის შესახებ თუ რა მიზეზით შეიძლება მოხსნან პარტიის მიერ ნომინირებული საარჩევნო კომისიის წევრები“, - აღნიშნულია დოკუმენტში.

იხილეთ ვიდეო: ეუთო/ოდირი და ვენეციის კომისია საქართველოს საარჩევნო კოდექსში ცვლილებებთან დაკავშირებით რეკომენდაციებს აქვეყნებს

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება