ბანგლადეშში, მდინარე პადმაში ნავის ჩაძირვის შედეგად სულ მცირე 26 ადამიანი დაიღუპა, - ამის შესახებ ინფორმაციას Reuters-ი ადგილობრივ პოლიციაზე დაყრდნობით ავრცელებს.
„მაშველებმა 26 დაღუპულის ცხედარი იპოვეს, რამდენიმე დაკარგულს ჯერ კიდევ ეძებენ,“- განაცხადა მირაჯ ჰუსეინმა, რომელიც მადარიპურის რაიონის პოლიციის მაღალჩინოსანია.
მისივე თქმით, მაშველებმა 5 ადამიანი გადაარჩინეს და საავადმყოფოში გადაიყვანეს.
ბანგლადეშში მდინარეებზე მომხდარი უბედური შემთხვევების შედეგად ყოველწლიურად ასობით ადამიანი იღუპება.