„დიდი შვიდეულის“ წევრები რუსული პროპაგანდის საწინააღმდეგო მექანიზმებზე დღეს იმსჯელებენ

ლონდონში „დიდი შვიდეულის“ წევრ სახელმწიფოთა საგარეო საქმეთა მინისტრები რუსული პროპაგანდისა და დეზინფორმაციის წინააღმდეგ სწრაფი რეაგირების მექანიზმის შექმნაზე ისაუბრებენ, - ამის შესახებ გაერთიანებული სამეფოს საგარეო საქმეთა მინისტრმა დომინიკ რააბმა განაცხადა.

”როდესაც ვხედავთ ამ სიცრუეს, პროპაგანდის ან ყალბ ამბებს, ჩვენ შეგვიძლია არა მხოლოდ ინდივიდუალურად დავუპირისპირდეთ, არამედ გავერთიანდეთ, რომ სიმართლე ვუთხრათ მსოფლიოს ხალხებს, მათ შორის თავად ჩინეთსა და რუსეთში მცხოვრებლებს,“- აღნიშნა რააბმა.

ბრიტანეთის, აშშ-სა და ევროპის უსაფრთხოების სამსახურების ოფიციალური პირები აცხადებენ, რომ არჩევნების შესახებ დეზინფორმაციის, ან კოვიდ 19-ის ვაქცინების შესახებ სიცრუის გავრცელებით რუსეთი და ჩინეთი დასავლეთში უნდობლობის დათესვას ცდილობენ.

რუსეთი მის საზღვრებს მიღმა რაიმე სახის ჩარევას უარყოფს და აცხადებს, რომ დასავლეთი ანტირუსულმა ისტერიკამ მოიცვა.

”დროა ვიფიქროთ, რატომ ადანაშაულებენ ის ქვეყნები, რომლებიც პროპაგანდით არიან დაავადებული და რომელთაც არაერთხელ გამოიყენეს ეს შეიარაღებული ინტერვენციისა და მთავრობების დამხობის გასამართლებლად, ჩვენს ქვეყანას საკუთარ ცოდვებში”, - აღნიშნა რუსეთის საგარეო საქმეთა სამინისტროს პრესსპიკერმა მარია ზახაროვამ რააბის განცხადებაზე კომენტირებისას.

„დიდი შვიდეულის“ წევრები არიან გაერთიანებული სამეფო, შეერთებული შტატები, კანადა, საფრანგეთი, გერმანია, იტალია და იაპონია და მათი მთლიანი შიდა პროდუქტი დაახლოებით 40 ტრილიონი დოლარია, რაც გლობალური ეკონომიკის ნახევარზე ცოტათი ნაკლებია.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს