არგენტინაში, გასული დღე-ღამის განმავლობაში, კორონავირუსის 11 394 ახალი შემთხვევა გამოვლინდა და ინფიცირებულთა საერთო რაოდენობამ 3 მილიონს გადააჭარბა, - შესაბამის მონაცემებს ქვეყნის ჯანდაცვის სამინისტრო ავრცელებს.

ამასთან, ვირუსს კიდევ 156 ადამიანის სიცოცხლე ემსხვერპლა და დაღუპულთა რიცხვი, საერთო ჯამში, 64 252-მდე გაიზარდა.

მედიკოსები აცხადებენ, რომ ქვეყნის საავადმყოფოები სრული დატვირთვით მუშაობენ, რეანიმაციებში კი ადგილების 68 %-ზე მეტი შევსებულია.

პრეზიდენტ ალბერტო ფერნანდეზის მთავრობამ პანდემიის მეორე ტალღის შესაჩერებლად მიმდინარე კვირიდან შეზღუდვები გაამკაცრა, თუმცა სამედიცინო პერსონალი აცხადებს, რომ დაწესებული შეზღუდვები ინფიცირების მაჩენებლის შესამცირებლად საკმარისი არ იქნება.