სომხეთის პრემიერ-მინისტრის მოვალეობის შემსრულებელი ნიკოლ ფაშინიანი კორონავირუსის საწინააღმდეგო ვაქცინით აიცრა. ვაქცინაცია გაიკეთა ფაშინიანის მეუღლემაც.

მათ არ განუცხადებიათ თუ კონკრეტულად რომელი ვაქიცნით აიცრნენ.

ცნობისთვის, ამჟამად სომხეთში ვაქცინაცია „სპუტნიკ V“-ისა და „AstraZeneca“-ს ვაქცინებით მიმდინარეობს.

სომხეთში, გასული დღე-ღამის განმავლობაში კორონავირუსის 145 ახალი შემთხვევა გამოვლინდა და 10 პაციენტი გარდაიცვალა. ქვეყანაში საერთო ჯამში, კორონავირუსის 217 008 შემთხვევაა დადასტურებული, აქედან ვირუსს დღემდე 4 149 ადამიანი ემსხვერპლა, გამოჯანმრთელებული პაციენტების საერთო რაოდენობა კი 200 472-ია.