ბურკინა ფასოში შეიარაღებულმა პირებმა 30-მდე ადამიანი მოკლეს
ბურკინა-ფასოს აღმოსავლეთ ნაწილში მდებარე ერთ-ერთ სოფელზე შეიარაღებულ თავდასხმას, სულ მცირე, 30 ადამიანი ემსხვერპლა,- ინფორმაციას სააგენტო Reuters-ი ქვეყნის უსაფრთხოების ძალების წარმომადგენლებზე დაყრდნობით ავრცელებს.
სააგენტოს ცნობით, მომხდარზე პასუხისმგებლობა ჯერჯერობით არავის აუღია, თუმცა თავდასხმა ნიგერის საზღვართან, სოფელ ჰანტოკურაში, მოხდა. იმ რეგიონში, სადაც ალ-ქაიდასთან და ისლამურ სახელმწიფოსთან დაკავშირებული ჯიჰადისტური დაჯგუფებები მშვიდობიან ტერიტორიებზე კონტროლის მოპოვებას ცდილობენ.
