აშშ-ის ყოფილმა პრეზიდენტმა, დონალდ ტრამპმა ახალი საკომუნიკაციო პლატფორმა წარადგინა.
ახალი პლატფორმა სახელწოდებით „From the Desk of Donald J. Trump“ შემდეგ ბმულზეა ხელმისაწვდომი: www.DonaldJTrump.com/desk.
სივრცე ტრამპს კომენტარების, ფოტოებისა და ვიდეოების გამოქვეყნების, მის „ფოლოვერებს“ კი ამ შინაარსის Facebook-სა და Twitter-ზე გაზიარების საშუალებას აძლევს, თუმცა პასუხის გაცემისა და კომენტარების დატოვების ფუნქცია არ არის.
აღსანიშნავია, რომ Facebook-მა და Twitter-მა დონალდ ტრამპის ანგარიშები რამდენიმე თვის წინ დაბლოკეს.