მადრიდის რეგიონულ არჩევნებში გამარჯვება კვლავ კონსერვატორმა ლიდერმა იზაბელ დიაზ აიუსომ მოიპოვა.
მედიის ინფორმაციით, წინასწარი შედეგების თანახმად, იზაბელ დიაზ აიუსოს „სახალხო პარტიამ“ რეგიონულ საკრებულოში 136 ადგილიდან 64-ის მოპოვება შეძლო, რაც წინა არჩევნებთან შედარებით ორმაგი რაოდენობაა, თუმცა უმრავლესობის მოსაპოვებლად 69 მანდატია საჭირო. ამიტომ, იზაბელ დიაზ აიუსოს, შესაძლოა, ულტრამემარჯვენე პარტია Vox-თან ალიანსის შექმნა დასჭირდეს.
აღსანიშნავია, რომ იზაბელ დიაზ აიუსო კორონავირუსის გამო დაწესებულ შეზღუდვებს მკაცრად აკრიტიკებდა.
მადრიდის რეგიონულ არჩევნები გუშინ გაიმართა. არჩევნებში მონაწილეობის მისაღებად 5 მილიონამდე ამომრჩეველი იყო დარეგისტრირებული.