ვახტანგ გომელაური 20 ივნისის საქმეზე - ყველაზე მძიმე მუხლი ნიკა მელიას აქვს წაყენებული და თუ ამნისტია ნიკა მელიას უნდა შეეხოს, უფრო მსუბუქ მუხლებს რატომ არ უნდა შეეხოს?!

შინაგან საქმეთა მინისტრი ვახტანგ გომელაური ამნისტიის შესახებ „ქართული ოცნების“ კანონპროექტს სამართლიანს უწოდებს.

როგორც მინისტრმა ჟურნალისტებს განუცხადა, 20 ივნისის საქმესთან დაკავშირებით ყველაზე მძიმე მუხლი „ნაციონალური მოძრაობის“ თავმჯდომარეს, ნიკა მელიას აქვს წაყენებული და „თუ ნიკა მელიას უნდა შეეხოს [ამნისტია], უფრო მსუბუქ მუხლებს რატომ არ უნდა შეეხოს?!“

„მე, როგორც შს მინისტრი ამნისტიას, ალბათ, წინააღმდეგობას გავუწევდი. პოლიტიკური გადაწყვეტილება იქნა მიღებული, ჩართული იყვნენ ევროპის პოლიტიკოსები, მოლაპარაკებების რამდენიმე რაუნდი გაიმართა. აქედან გამომდინარე, გადაწყდა, რომ მიეღოთ ამნისტია. მე არ ვთვლი, რომ ეს უსამართლოა. რა თქმა უნდა, პოლიციელებსაც ეხება. არა იმიტომ, რომ შს მინისტრი ვარ და აქედან გამომდინარე ვიცავ პოლიციელებს, არამედ, იქედან გამომდინარე, რომ ყველაზე მძიმე მუხლი ნიკა მელიას აქვს წაყენებული, თუ ნიკა მელიას უნდა შეეხოს ეს მუხლი (ამნისტია), უფრო მსუბუქ მუხლებს რატომ არ უნდა შეეხოს? - მაშინ კითხვას ვსვამ. ეს ხომ უსამართლობა იქნებოდა? მძიმე მუხლებს ისედაც არ ეხება. როგორც ჩაწერილია, 117-ე მუხლს არ ეხება. აქედან გამომდინარე, ვთვლი, რომ [ამნისტია] სამართლიანია. ვთქვათ, თუ მე უფრო მძიმე მუხლი მაქვს წაყენებული და მეხება, რა თქმა უნდა, ჩემზე მსუბუქი დანაშაული ვინც ჩაიდინა, მათაც უნდა შეეხოს“, - აცხადებს გომელაური.

იხილეთ ვიდეო:

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება