გია ვოლსკი - თუკი ადამიანი ამნისტიის წინააღმდეგია, როგორ შეიძლება ძალით იქნეს ამნისტირებული, ეს მგონი, ლოგიკაშიც არ ჯდება

თუკი ადამიანი წინააღმდეგია ამნისტიის, როგორ შეიძლება ძალით იქნეს ამნისტირებული, ეს მგონი, ლოგიკაშიც არ ჯდება,- ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებთან ამნისტიის კანონპროექტთან დაკავშირებით ნიკა მელიაზე საუბრისას განაცხადა.

კითხვაზე, რატომ გახდა საჭირო ამნისტიის შესახებ კანონპროექტში ბრალდებულისა და მსჯავრდებულის თანხმობის ჩადება, როცა მსგავსი პრაქტიკა მათი ხელისუფლების პირობებში მიღებულ კანონებში არ არსებობს, გია ვოლსკი აცხადებს, რომ სამართლებრივ ნიუანსებზე მსჯელობა შეიძლება გაგრძელდეს.

"აქ (ამნისტიის) უარყოფაზეა ლაპარაკი და იმსჯელონ იურისტებმა და მხარეებმა ამასთან დაკავშირებით, რომლებიც არიან მოლაპარაკების მაგიდასთან. საზოგადოების აზრი არის კონკრეტული და შეესაბამება იმ სულისკვეთებას, რაც დოკუმენტშია ჩადებული. აქედან გამომდინარე, იურიდიული ნიუანსების თემაზე შეიძლება გავაგრძელოთ მსჯელობა, მაგრამ ვფიქრობ, ამას გარკვეული ფორმატი სჭირდება, სადაც ერთმანეთს დაუპირისპირდებიან იურისტები და არა პოლიტიკური მოღვაწეები, რომლებსაც სურთ, რომ პოლიტიკური დივიდენდები მიიღონ ამ შეთანხმებიდან", - განაცხადა ვოლსკიმ.

რაც შეეხება პროექტით გათვალისწინებულ შესაძლებლობას, რომ ამნისტია შეიძლება გავრცელდეს 19-21 ივნისის მოვლენებთან დაკავშირებით სამომავლოდ გამოკვეთილ შესაძლო დანაშაულებზეც, ვოლსკი აცხადებს, რომ "თავად მელიასთვის მხოლოდ 225-ე მუხლის მიყენება მომავალში, შეიძლება არც იყოს საკმარისი და ვინმეს გაუჩნდეს მოსაზრება, რომ ეს მხოლოდ ჯგუფური ძალადობა არ იყო".

"ეს სახელმწიფოს წინააღმდეგ მიმართული ძალადობრივი ქმედება იყო, რომელმაც მძიმე შედეგები გამოიწვია, სწორედ ამას პასუხობს ის პროექტი, რომელიც წარმოვადგინეთ, რომ გადავრჩეთ დაპირისპირების იმ უწყვეტ ჯაჭვს, რომელიც წარმოქმნა "ნაცმოძრაობის" პოზიციამ და მასთან დაკავშირებულმა პოლიტიკურმა სუბიექტებმა", - განაცხადა ვოლსკიმ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს