ლონდონში, „დიდი შვიდიანის“ სამიტისთვის ინდოეთიდან ჩასული დელეგაცია თვითიზოლაციაში იმყოფება მას შემდეგ, რაც დელეგაციის ორ წევრს კორონავირუსი დაუდასტურდა, - ამის შესახებ ინფორმაციას მედია საშუალებები გაერთიანებული სამეფოს მთავრობაზე დაყრდნობით ავრცელებენ.
„ძალიან ვწუხვართ იმის გამო, რომ საგარეო საქმეთა მინისტრი ჯაიშანკარი დღეს შეხვედრას ვერ დაესწრება, თუმცა ის მონაწილეობას ვირტუალურად მიიღებს,“- განაცხადა გაერთიანებული სამეფოს საგარეო საქმეთა მინისტრმა დომინიკა რააბმა.
მედიის ინფორმაციით, ინდოეთის საგარეო საქმეთა მინისტრს სუბრაჰანიამ ჯაიშანკარს კორონავირუსი არ დაუდასტურდა. ამასთან, ვრცელდება ფოტოები, სადაც ჯაიშანკარისა და ბრიტანეთის შინაგან საქმეთა მინისტრ პრიტი პატელის შეხვედრაა აღბეჭდილი.