აშშ მიესალმება აზერბაიჯანის მხრიდან დაკავებული სომეხი ტყვეების გათავისუფლებას და მხარეებს პატიმართა გაცვლის პროცესის დროულად დასრულებისკენ მოუწოდებს, - ამის შესახებ აშშ-ის სახელმწიფო მდივანი ენტონი ბლინკენი აცხადებს.
„აშშ მიესალმება აზერბაიჯანის მიერ სამი დაკავებული სომეხი სამხედრო ტყვეს გათავისუფლებას. ჩვენ მოვუწოდებთ ორივე მხარეს სრულად და სწრაფად დაასრულონ ყველა პატიმრის, ტყვესა და დაღუპულთა ცხედრების გაცვლის პროცესი და შეასრულონ მათი ვალდებულებები დაკავებულთა მიმართ ჰუმანური მოპყრობის უზრუნველსაყოფად“, - ნათქვამია ბლინკენის მიერ „ტვიტერზე“ გამოქვეყნებულ პოსტში.