Facebook-ის სამეთვალყურეო საბჭომ დაადგინა, რომ სოციალურმა ქსელმა დონალდ ტრამპის მიმართ არასათანადო სასჯელი გამოიყენა

Facebook-ის სამეთვალყურეო საბჭომ, რომელიც გადაწყვეტილებებს იღებს იმის შესახებ, თუ რა სახის კონტენტის გამოქვეყნება ან წაშლა შეუძლია Facebook-სა და Instagram-ს საკუთარი პლატფორმებიდან, აშშ-ის ყოფილი პრეზიდენტის დონალდ ტრამპის საქმეზე დასკვნა გამოაქვეყნა.

საბჭო მხარს უჭერს სოციალურ ქსელში ტრამპის დაბლოკვას, თუმცა მისი გადაწყვეტილებით, Facebook-ის მხრიდან არამართებული იყო „ბუნდოვანი და სტანდარტების შეუსაბამო სასჯელის დაკისრება დონალდ ტრამპის გვერდის განუსაზღვრელი ვადით დაბლოკვასთან დაკავშირებით“.

სამეთვალყურეო საბჭოს განმარტებით, Facebook-ის მხრიდან მომხმარებელთა მიმართ ნორმალურ სასჯელთა შორისაა შეუსაბამო კონტეტნტის წაშლა, გვერდის დროებით დაბლოკვა ან გვერდისა და ანგარიშის სამუდამოდ შეჩერება.

„შეუსაბამო იყო Facebook-ის მხრიდან „განუსაზღვრელი“ დაბლოკვა. დაუშვებელია, რომ Facebook-მა მომხმარებელს განუსაზღვრელი ვადით დაატოვებინოს პლატფორმა და არ მიუთითოს კრიტერიუმები თუ როდის და როგორ აღდგება მისი ანგარიში. საბჭო მოითხოვს, რომ Facebook-მა ხელახლა განიხილოს ეს საკითხი, რათა დაადგინოს და დაასაბუთოს მისი პროპორციული გადაწყვეტილება, იმ წესების შესაბამისად, რომლებიც გამოიყენება მისი პლატფორმის სხვა მომხმარებლების მიმართ. Facebook– მა ამ გადაწყვეტილების მიღებიდან ექვსი თვის განმავლობაში უნდა დაასრულოს ამ საკითხის მიმოხილვა“,- ნათქვამია განცხადებაში.

საბჭომ ასევე რეკომენდაციები მისცა Facebook-ს, შეიმუშაოს მკაფიო, აუცილებელი და პროპორციული პოლიტიკა, რაც ხელს შეუწყობს საზოგადოების უსაფრთხოებას და გამოხატვის თავისუფლების პატივისცემას.

Facebook-მა იმჟამინდელი პრეზიდენტის, დონალდ ტრამპის ანგარიში განუსაზღვრელი ვადით 7 იანვარს დაბლოკა, რადგან ის კაპიტოლიუმზე თავდასხმის მონაწილეთა შესაძლო წაქეზებაში დაადანაშაულა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს