ჩინეთი ავსტრალიასთან ეკონომიკურ დიალოგს წყვეტს

ჩინეთმა “ჩინეთ-ავსტრალიის სტრატეგიული ეკონომიკური დიალოგის” ფარგლებში ყველა მოქმედება "განუსაზღვრელი ვადით" შეაჩერა, - Reuters-ის ინფორმაციით, ამის შესახებ ჩინეთის განვითარების და რეფორმების ეროვნული კომისიის განცხადებაშია აღნიშნული.

”ცოტა ხნის წინ ავსტრალიის მთავრობის ზოგიერთმა ოფიციალურმა პირმა დაიწყო მთელი რიგი ზომების გატარება ჩინეთსა და ავსტრალიას შორის ნორმალური ურთიერთობებისა და თანამშრომლობის ხელის შეშლის მიზნით,“- აღნიშნულია ჩინეთის ეროვნული განვითარების და რეფორმების კომისიის მიერ გავრცელებულ განცხადებაში.

თუმცა, კომისია არ განმარტავს, რა კონკრეტულმა ქმედებებმა უბიძგა მას აღნიშნული გადაწყვეტილების მიღებისკენ.

Reuters-ი წერს, რომ დღეს ავსტრალიური დოლარის კურსი მკვეთრად დაეცა.

ავსტრალიასა და ჩინეთს შორის ორმხრივი ურთიერთობები 2018 წელს მას შემდეგ დაიძაბა, როდესაც ავსტრალია პირველი ქვეყანა გახდა, რომელმაც ჩინური ტექნოლოგიური გიგანტი Huawei თავისი 5G მობილური ქსელიდან გათიშა. ორ ქვეყანას შორის ურთიერთობები შარშან გაუარესდა, როდესაც ავსტრალიამ კორონავირუსის წარმოშობის შესახებ დამოუკიდებელი გამოძიების ჩატარება მოითხოვა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს