საფრანგეთმა კოვიდ-19-ის საწინააღმდეგო ვაქცინის 16-17 წლის ასაკის მოზარდებში გამოყენების გადაწყვეტილება მიიღო, - ამის შესახებ ინფორმაციას Reuters-ი ქვეყნის ჯანდაცვის სამინისტროზე დაყრდნობით ავრცელებს.

სააგენტოს ცნობით, ვაქცინაცია აღნიშნული ასაკის იმ პირებს ჩაუტარდებათ, რომლებიც დაინფიცირების შემთხვევაში დაავადების სერიოზული ფორმის განვითარების რისკის ქვეშ იმყოფებიან.

ჯანდაცვის სამინისტროს ინფორმაციით, ამ კატეგორიის 16-17 წლის ასაკის მოქალაქეები „ფაიზერის“ ვაქცინით ხუთშაბათიდან აიცრებიან.