პოლიტიკოსის სალომე სამადაშვილის განცხადებით, ოპოზიცია თვითმმართველობის არჩევნებში მონაწილეობის ფორმაზე ნიკა მელიას საპატიმროდან გამოსვლის შემდეგ იმსჯელებს.

როგორც სამადაშვილმა ჟურნალისტებს განუცხადა, ნიკა მელიას გათავისუფლების შემდეგ „ნაციონალური მოძრაობა“ და სხვა ოპოზიციური პარტიები ერთად ჩამოყალიბდებიან არჩევნებში ხელისუფლების დამარცხების სტრატეგიაზე.

„დღეს, როდესაც ნიკა მელია პატიმრობაშია და არ ვიცით, რა გადაწყვეტილება აქვს მას მიღებული, თუნდაც თვითმმართველობის არჩვენებში მონაწილეობასთან დაკავშირებით, ვფიქრობ, უპრიანი იქნება, მის გათავისუფლებას დაველოდოთ და ოპოზიციამ ამის შემდეგ იმსჯელოს ერთობლივად რა სტრატეგიაა ყველაზე უფრო მომგებიანი ხელისუფლების დასამარცხებლად ადგილობრივ არჩევნებში.

ნიკა მელია არის პოლიტპატიმარი და მთავარი ამოცანაა, ის გათავისუფლდეს საპატიმროდან, ამის შემდეგ ნიკა, მისი პარტია, სხვა ოპოზიციური პარტიები იმსჯელებენ და ჩამოყალიბდებიან სტრატეგიაზე, რომელიც ოპოზიციისთვის იქნება ყველაზე სწორი სტრატეგია ხელისუფლების დასამარცხებლად და მე ამ განხილვებში მონაწილეობას მივიღებ“,- განაცხადა სამადაშვილმა.