გიორგი ვაშაძე - ვფიქრობ, ჩვენი ამოცანა უნდა იყოს ნიკა მელიას გათავისუფლება და არა იმისთვის ჭიდაობა, თუ როგორ არ გავათავისუფლოთ ის

მშვიდად და წყნარად ვარ იმიტომ, რომ ვიცი, საბოლოო ჯამში ნიკა მელია გათავისუფლდება ყოველგვარი მისი პოზიციის გამოხატვის გარეშე, - ამის შესახებ "სტრატეგია აღმაშენებლის" ლიდერმა გიორგი ვაშაძემ ამნისტიის კანონთან დაკავშირებით საუბრისას განაცხადა.

მისივე თქმით, ოპოზიციის ამოცანა უნდა იყოს ნიკა მელიას გათავისუფლება და არა იმისთვის ჭიდაობა თუ როგორ არ გათავისუფლდეს ის.

"თუ ვინმეს ჰგონია, რომ შარლ მიშელის დოკუმენტით გაპატიოსნდა "ქართული ოცნება" ძალიან ცდება, მაგრამ შარლ მიშელის დოკუმენტზე ხელის მოწერით ჩვენ გაცილებით დიდი ბერკეტები მივიღეთ ოპოზიციის იმ ფლანგმა, რომელმაც მოვაწერეთ, ვიდრე "ქართულ ოცნებას" აქვს დღეს. მას აქვს ერთი უპირატესობა, რომ მეტი ხალხი ჰყავს პარლამენტში და შეუძლია კანონი მიიღოს, მაგრამ ჩვენ გვაქვს დიდი უპირატესობა, რომ გვაქვს დასავლეთის მხარდაჭერა და სიმართლე ჩვენს მხარეს არის, ამიტომ გაიმარჯვებს სიმართლე, დასავლეთის მხარდაჭერა და ხალხის მხარდაჭერა. ყველა მექანიზმი ამოქმედდება თუ ამის საჭიროება იქნება და იმედი მაქვს, რომ ეს არ დაგვჭირდება იმიტომ, რომ არ მინდა ვიყოთ პატარა ბავშვებივით, უმწიფარი ბავშვებივით, რომ ყოველ წუთში დავრბოდეთ ჩვენს დასავლელ პარტნიორებთან. მე ვფიქრობ, რომ ეს ყველაზე მეტად უნდა სცხვენოდეს "ქართულ ოცნებას". მშვიდად და წყნარად ვარ იმიტომ, რომ ვიცი საბოლოო ჯამში ნიკა მელია გათავისუფლდება ყოველგვარი მისი პოზიციის გამოხატვის გარეშე.

მე ვფიქრობ, რომ ჩვენი ამოცანა უნდა იყოს ნიკა მელიას გათავისუფლება და არა იმისთვის ჭიდაობა თუ როგორ არ გავათავისუფლოთ ნიკა მელია. მე ამისთვის პასუხისმგებლობას ვიღებ მორალურსაც, პოლიტიკურსაც, ყველანაირს, რომ მისი ნების საწინააღმდეგოდ ამნისტიის კანონი მივიღოთ და ის გავათავისუფლოთ", - განაცხადა ვაშაძემ.

ამასთან, ვაშაძემ აღნიშნა, რომ ამნისტიის კანონისთვის პირველ რიგში "ნაციონალურ მოძრაობას" უნდა დაეჭირა მხარი და "ნაციონალური მოძრაობა" საკუთარი არასწორი გადაწყვეტილების მსხვერპლი გახდა.

"ჩემი აზრით, ამნისტიის კანონისთვის, სწორედ "ნაციონალური მოძრაობის" პოლიტსაბჭოს უნდა მიეღო გადაწყვეტილება, რომ მხარი დაეჭირა და არ უნდა იყვნენ ჩასაფრებულ პოზიციაში, რომ რა ცუდია ამნისტიის კანონი. "ნაციონალური მოძრაობა" საკუთარი არასწორი გადაწყვეტილების მსხვერპლი გახდა, დოკუმენტზე ხელმოწერის უარის თქმასთან დაკავშირებით. ახლა უნდათ, რომ როგორმე გამოძვრნენ. მე ჩემი განცხადებებით ვაძლევ ამის საშუალებას და თუ დაფიქრდებიან, ამ ხალხს კარგად ვიცნობ, ძალიან სწრაფად შეგვიძლია ეს პროცესი შევცვალოთ და ეს იწილო-ბიწილო დავასრულოთ", - აღნიშნა ვაშაძემ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს