დავით უსუფაშვილი - აქციაზე ადამიანები მოდიან არა იმიტომ, რომ კმაყოფილები არიან, არამედ იმიტომ, რომ გაბრაზებულები არიან, ათასობით ლარიანი ჯარიმის შემოღება, დაუშვებელია - პრეზიდენტს შესაძლებლობა აქვს, ვეტო დაადოს

„ლელოს“ ერთ-ერთი ლიდერის დავით უსუფაშვილის განცხადებით, თუ ადმინისტრაციულ სამართალდარღვევათა კოდექსში შესატანი ცვლილებების კანონპროექტს პრეზიდენტი ვეტოს დაადებს, უმრავლესობა კი არ უნდა გაბრაზდეს, „არამედ დაფიქრდეს, რომ კანონის ხარისხი აამაღლოს“. ამის შესახებ უსუფაშვილმა პრეზიდენტ სალომე ზურაბიშვილთან შეხვედრის შემდეგ ჟურნალისტებს განუცხადა.

კითხვაზე, რამდენად მოსალოდნელია, რომ პრეზიდენტმა ვეტოს უფლება გამოიყენოს, უსუფაშვილი ამბობს, რომ „ფაქტი, რომ სალომე ზურაბიშვილის ინიციატივით შედგა ეს კონსულტაციები, მიანიშნებს, რომ თავადაც ფიქრობს ამ საკითხზე“.

„საპროტესტო აქციაზე ადამიანები მოდიან არა იმიტომ, რომ გახარებულები და კმაყოფილები არიან და ვინმეს ლოცვა-კურთხევას უგზავნიან, არამედ იმიტომ, რომ არიან გაბრაზებულები. ამ პროცესში გაბრაზებულმა ადამიანებმა შესაძლოა ჩვენთვის უსიამოვნო სიტყვა თქვან, მიმიკებით გამოხატონ საკუთარი ემოციები და ამის გამო ათასობით ლარიანი ჯარიმის შემოღება, თან დაჩქარებული წესით, არის დაუშვებელი, ამიტომ ჩვენი პოზიცია თავიდანვე ის იყო, რომ პარალმენტს ეს კანონი არ უნდა მიეღო იმ ფორმით, როგორც მიიღო. ახლა დარჩენილია პრეზიდენტის ხელმოწერა. პრეზიდენტს აქვს შესაძლებლობა, დაადოს ვეტო ამ კანონპროექტს.

როდესაც თავად ვიყავი პარლამენტში, პრეზიდენტის ვეტო უმრავლესობას სასტიკად აღიზიანებდა და ამას პირად შეურაცხყოფად აღიქვამდა. ასე არ უნდა იყოს, რადგან ვეტო - ეს არის ცივილიზებული ინსტრუმენტი. უმრავლესობა თუ ამ პროექტზე პრეზიდენტის ვეტოს მიიღებს, კი არ უნდა გაბრაზდეს, არამედ დაფიქრდეს, რომ კანონის ხარისხი აამაღლოს“,- განაცხადა უსუფაშვილმა.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა