იენს სტოლტენბერგი - რუსული ჯარების რაოდენობის გარკვეული შემცირების მიუხედავად, უკრაინის საზღვრებთან კვლავ ათობით ათასი ჯარისკაცი რჩება

ნატოს გენერალური მდივანი იენს სტოლტენბერგი აცხადებს, რომ უკრაინის საზღვრებთან ათობით ათასი რუსი სამხედრო და მნიშვნელოვანი რაოდენობის იარაღი და ტექნიკა რჩება. ამის შესახებ მან ევროკავშირის თავდაცვის მინისტრებსა და საგარეო პოლიტიკისა და უსაფრთხოების საკითხებში ევროკავშირის უმაღლეს წარმომადგენელ, ჟოზეფ ბორელთან შეხვედრამდე განაცხადა.

„ჩვენ ვსაუბრობთ რუსეთზე და რუსეთის აგრესიული ქცევების ხასიათზე, რაც გამოიხატება სახიფათო სადაზვერვო ოპერაციებში ბულგარეთში, ჩეხეთში და ასევე უკრაინის გარშემო მნიშვნელოვან სამხედრო მობილიზებაში. ჩვენ ვხედავთ რუსეთის ჯარების რაოდენობის გარკვეულ შემცირებას, მაგრამ ათობით ათასი ჯარისკაცი კვლავ რჩება. ჩვენ ასევე ვხედავთ, რომ რუსეთი ინარჩუნებს დიდი რაოდენობით იარაღს და ტექნიკას. ასევე ისინი შეზღუდვებს აწესებენ შავ ზღვაში, მათ შორის აზოვის ზღვაზე ქერჩის სრუტის გავლით წვდომას ზღუდავენ. ამიტომ ნატო-მ უნდა შეინარჩუნოს სიფხიზლე და ყურადღებით ადევნოს თვალი მოვლენების განვითარებას. საერთო ჯამში, რუსები მნიშვნელოვანად არიან წარმოდგენილნი და ახლა ბევრად მეტი რუსული ჯარია უკრაინაში და მის გარშემო, ვიდრე დაძაბულობის ბოლო გამწვავებამდე იყო“, - განაცხადა სტოლტენბერგმა.

მან აქვე აღნიშნა, რომ ნატო წვრთნების ფარგლებში რუმინეთში ასობით ჯარისკაცს განალაგებს, რაც იქნება ნატოს ძალების მობილიზების, სწავლებისა და ევროპაში განლაგების უნარების დემონსტრირება. შეხვედრის დღის წესრიგშია ავღანეთიდან ჯარების გაყვანის საკითხიც.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება