გერმანია კორონავირუსის ვაქცინებთან დაკავშირებით ინტელექტუალური საკუთრების დაცვის გაუქმებას არ ეთანხმება

გერმანიის მთავრობა კოვიდ-19-ის საწინააღმდეგო ვაქცინების ინტელექტუალური საკუთრების უფლების დროებით მოხსნას არ ეთანხმება.

„ინტელექტუალური საკუთრების დაცვა ინოვაციის წყაროა და ასევე უნდა დარჩეს. ვაქცინების წარმოების შემზღუდველი ფაქტორებია წარმოების შესაძლებლობები და მაღალი ხარისხის სტანდარტები და არა პატენტები,“ - აცხადებენ გერმანიის მთავრობაში.

გერმანიის მთავრობა ხაზს უსვამს, რომ ფარმაცევტული კომპანიები წარმოების გაზრდის მიზნით პარტნიორებთან უკვე თანამშრომლობენ.

ცნობისათვის, კორონავირუსის ვაქცინებთან დაკავშირებით ინტელექტუალური საკუთრების დაცვის გაუქმების იდეა, რომლის მიზანი განვითარებადი ქვეყნებისთვის ვაქცინების პატენტებზე ხელმისაწვდომობის უფლების მინიჭება და ამ ქვეყნებში ვაქცინების წარმოების უზრუნველყოფაა, „მსოფლიო სავაჭრო ორგანიზაციაში“ თავდაპირველად ინდოეთმა და სამხრეთ აფრიკამ გააჟღერეს. წინადადებას აშშ-ის წინა ადმინისტრაციის, ასევე გაერთიანებული სამეფოსა და ევროკავშირის მკაცრი წინააღმდეგობა მოჰყვა. ჯო ბაიდენის ადმინისტრაციამ კი გუშინ განაცხადა, რომ შეთავაზებას მხარს უჭერდა.

„მსოფლიო სავაჭრო ორგანიზაციის“ ხელმძღვანელი ნგოზი ოკონჯო-ივეალი აშშ-ის გადაწყვეტილებას მიესალმა. მისი თქმით, ორგანიზაციის წევრებმა ვაქცინების წარმოებასთან დაკავშირებულ პრაგმატულ შეთანხმებას უნდა მიაღწიონ, რადგან არსებული უთანასწორობა არასწორია.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის