აშშ-ის სახელმწიფო მდივანი ენტონი ბლინკენი აცხადებს, რომ მისი უკრაინაში ვიზიტი ნაყოფიერი იყო.
„ნაყოფიერი დრო გავატარე კიევში პრეზიდენტ ზელენსკისთან და ყველასთან, ვისაც შევხვდი. შეერთებული შტატები უდრეკია რუსეთის აგრესიის წინაშე და მტკიცედ უჭერს მხარს რეფორმებზე მუშაობას, რომელიც უკრაინის სუვერენული, დემოკრატიული და აყვავებული მომავლის უზრუნველყოფისთვისაა საჭირო,“- წერს ბლინკენი სოციალურ ქსელ „ტვიტერში“.
შეგახსენებთ, ენტონი ბლინკენი უკრაინას გუშინ სტუმრობდა. მან ვიზიტის ფარგლებში შეხვედრები გამართა ქვეყნის პარლამენტის წევრებთან, საგარეო საქმეთა მინისტრ დმიტრი კულებას, პრეზიდენტ ვლადიმერ ზელენსკისა და პრემიერ-მინისტრ დენის შმიგალთან.