იაპონიის მთავრობა პანდემიასთან დაკავშირებულ საგანგებო მდგომარეობას ახანგრძლივებს
იაპონიის მთავრობამ დედაქალაქ ტოკიოში, ასევე ქალაქ ოსაკაში და აიჩისა და ფუკუოკას პრეფექტურებში პანდემიასთან დაკავშირებულ საგანგებო მდგომარეობის 31 მაისამდე გახანგრძლივების გადაწყვეტილება მიიღო.
იაპონიის ეკონომიკის მინისტრმა იასუტოში ნიშიმურამ განაცხადა, რომ კორონავირუსის გავრცელების შეჩერების მიზნით გასული თვის ბოლოს დაწესებული შეზღუდვები, რომელიც 11 მაისამდე მოქმედებს, ქალაქებში, ტოკიოსა და ოსაკაში, ინფიცირების მაჩვენებლის შესამცირებლად საკმარისი არ აღმოჩნდა.
საგანგებო მდგომარეობის ფარგლებში ბარებს, რესტორნებს, კარაოკე დარბაზებსა და სხვა ადგილებს ალკოჰოლით გამასპინძლება ეკრძალებათ, მოქალაქეებს კი არა უცილებელი მიზეზით მგზავრობისგან თავის შეკავებას სთხოვენ.
ამასთან, სავაჭრო ობიექტები არ დაიხურება, თუმცა მათ სამუშაო საათების შემცირება ევალებათ.
აღსანიშნავია, რომ ტოკიოს ოლიმპიადის დაწყებამდე დაახლოებით 11 კვირაა დარჩენილი.
იაპონიაში, პანდემიის დაწყების დროიდან, კორონავირუსის 620 000 შემთხვევაა გამოვლენილი, ვირუსს დღემდე 10 600 ადამიანის სიცოცხლე ემსხვერპლა.
This is a modal window.
v-if="article.gallery" v-html="article.gallery"
