ინდოეთში ბოლო 1 კვირის განმავლობაში 1.57 მილიონი ადამიანი დაინფიცირდა, თუმცა ექსპერტები აცხადებენ, რომ რეალური მაჩვენებელი 5-10-ჯერ მეტია

ინდოეთში, ბოლო 24 საათში, კორონავირუსით ინფიცირების 414 188 ახალი შემთხვევა გამოვლინდა და ინფიცირებულთა საერთო რაოდენობა 21.49 მილიონამდე გაიზარდა. ამასთან, ქვეყანაში ვირუსს კიდევ 3 915 ადამიანის სიცოცხლე ემსხვერპლა და დაღუპულთა რიცხვმა 234 083-ს მიაღწია.

აღსანიშნავია, რომ ინდოეთში ბოლო 1 კვირის განმავლობაში 1.57 მილიონი ადამიანი დაინფიცირდა. თუმცა, სამედიცინო სფეროს ექსპერტები აცხადებენ, რომ რეალური მდგომარეობა ოფიციალური სტატისტიკისგან განსხვავდება და ინფიცირების მაჩვენებელი 5-10 -ჯერ მეტია.

პრემიერ-მინისტრ ნარენდრა მოდის და მის მთავრობას ვირუსის გავრცელების შესაჩერებლად დაგვიანებულ მოქმედების და ვაქცინაციის პროგრამის გაჭიანურების გამო აკრიტიკებენ. ექსპერტები აცხადებენ, რომ ვაქცინაცია ქვეყანაში გავრცელების მეორე ტალღის გასაკონტროლებლად ერთადერთი გამოსავალია.