აზერბაიჯანის კულტურულ დედაქალაქად შუშა გამოცხადდა,- ამის შესახებ ინფორმაციას ადგილობრივი მედია ავრცელებს.

მათივე ინფორმაციით, აზერბაიჯანის პრეზიდენტმა ილჰამ ალიევმა შესაბამის განკარგულებას ხელი უკვე მოაწერა.

განკარგულებაში აღნიშნულია, რომ იგეგმება ქალაქ შუშას ისტორიული იერსახის აღდგენა, აგრეთვე საერთაშორისო ასპარეზზე ქალაქის პოპულარიზაცია.

შეგახსენებთ, 2020 წლის 8 ნოემბერს ილჰამ ალიევმა განაცხადა, რომ მთიანი ყარაბაღის ქალაქი შუშა სომხური ოკუპაციისგან გათავისუფლდა.