რუსეთის ჯანდაცვის სამინისტრომ „ჰიდროქსიქლოროქინი“ კორონავირუსის შესაძლო სამკურნალო პრეპარატების სიიდან ამოიღო და მის ნაცვლად ადამიანის იმუნოგლობულინი შეიტანა, - ამის შესახებ ინფორმაციას რუსული მედია ქვეყნის ჯანდაცვის სამინისტროზე დაყრდნობით ავრცელებს.
"პაციენტებისთვის, რომლებიც საავადმყოფოში მკურნალობენ, რეკომენდებულია კოვიდ-19– ის წინააღმდეგ ადამიანის იმუნოგლობულინის გამოყენება. „ჰიდროქსიქლოროქინი“ ამოღებულია იმ მედიკამენტთა სიიდან, რომელთა დანიშვნა კოვიდ 19-ის სამკურნალოდ არის შესაძლებელი“, - ნათქვამია უწყების მიერ გავრცელებულ ინფორმაციაში.
რუსეთში მედიკამენტების ჩამონათვალი, რომელთა გამოყენება შესაძლებელია კორონავირუსის სამკურნალოდ, მოიცავს: „ფავიპირავირს“, „რემდესივირს“, კოვიდ-19- ის საწინააღმდეგო ადამიანის იმუნოგლობულინს, „ინტერფერონ ალფას“ და „უმიფენოვირს“.