"მსოფლიო სავაჭრო ორგანიზაცია" კორონავირუსის ვაქცინებთან დაკავშირებით ინტელექტუალური საკუთრების დაცვის გაუქმებას ემხრობა

"მსოფლიო სავაჭრო ორგანიზაცია" კოვიდ-19-ის საწინააღმდეგო ვაქცინების ინტელექტუალური საკუთრების უფლების დროებით მოხსნასთან დაკავშირებით აშშ-ის განცხადებას მიესალმება. ამის შესახებ ორგანიზაციის ხელმძღვანელმა ნგოზი ოკონჯო-ივეალამ განაცხადა.

მისივე თქმით, აუცილებელია სასწრაფოდ რეაგირება და ინტელექტუალური საკუთრების უფლების დაცვაზე უარის თქმა ვაქცინების წარმოების გაფართოებას დაეხმარება. განსაკუთრებით ეს ხელს შეუწყობს ღარიბ ქვეყნებს.

„ჩემი ამოცანაა მსოფლიო სავაჭრო ორგანიზაციის ყველა წევრის შეკრება, დაჯდომა და დოკუმენტის შემუშავება, რომელიც პრაქტიკული გამოსავალი იქნება, განვითარებად ქვეყნებს ვაქცინებზე წვდომის შესაძლებლობას მისცემს, ვაქცინების უთანასწორობის პრობლემებს გადაჭრის, მაგრამ ამავე დროს არ შეანელებს სამეცნიერო კვლევებსა და ინოვაციებს. აშშ-ს ბოლო დროს გაკეთებული განცხადებები, ვფიქრობ, ბიძგს მისცემს ამ მოლაპარაკებებს“, - განაცხადა ნგოზი ოკონჯო-ივეალამ.

იდეას მხარდაჭერა აქვს რუსეთის მთავრობაშიც. პრეზიდენტმა ვლადიმერ პუტინმა განაცხადა, რომ „რუსეთი, ამ მიდგომას უსიტყვოდ უჭერს მხარს“.

პუტინის განმარტებით, პანდემია ზუსტად ის საგანგებო ვითარებაა, როცა შეიძლება ამგვარი პატენტების გაუქმება მოხდეს. ამ დრომდე ამ საკითხზე საერთო კონსენსუსი არ არსებობს.

ევროკომისიის პრეზიდენტმა ურსულა ფონ დერ ლეიენმა განაცხადა, რომ ბლოკი მზადაა, კოვიდ-19-ის ვაქცინებთან დაკავშირებით გამონაკლისის დაშვების შესახებ აშშ-ის წინადადება განიხილოს. გერმანიის მთავრობა კოვიდ-19-ის საწინააღმდეგო ვაქცინების ინტელექტუალური საკუთრების უფლების დროებით მოხსნას არ ეთანხმება. კორონავირუსის ვაქცინებთან დაკავშირებით ინტელექტუალური საკუთრების დაცვის გაუქმების იდეა, რომლის მიზანი განვითარებადი ქვეყნებისთვის ვაქცინების პატენტებზე ხელმისაწვდომობის უფლების მინიჭება და ამ ქვეყნებში ვაქცინების წარმოების უზრუნველყოფაა, „მსოფლიო სავაჭრო ორგანიზაციაში“ თავდაპირველად ინდოეთმა და სამხრეთ აფრიკამ გააჟღერეს. ცოტა ხნის წინ აშშ-ის პრეზიდენტმა ჯო ბაიდენმა მხარი დაუჭირა კოვიდ -19-ის საწინააღმდეგო ვაქცინებთან დაკავშირებით ინტელექტუალური საკუთრების უფლებაზე გამონაკლისის დაშვებას.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება