ენტონი ბლინკენი - აშშ-ის მიზანია, დაიცვას, მხარი დაუჭიროს და აღადგინოს საერთაშორისო წესრიგი

აშშ-ის მიზანია, დაიცვას, მხარი დაუჭიროს და აღადგინოს საერთაშორისო წესრიგი, რომელიც წესებზეა დაფუძნებული. ამის შესახებ აშშ-ის სახელმწიფო მდივანმა ენტონი ბლინკენმა დღეს გაეროს უშიშროების საბჭოს ონლაინ ბრიფინგზე განაცხადა, რომელიც გაეროს ფარგლებში მრავალმხრივობის განვითარებას ეხებოდა.

ბლინკენის თქმით, ბოლო წლებში იყო მცდელობა, შესუსტებულიყო საერთაშორისო სამართალი, მაგრამ არც ერთ ქვეყანას არ შეუძლია დაარღვიოს საერთაშორისო სამართალი, შეეცადოს შეცვალოს საზღვრები, ან გადაწყვიტოს ტერიტორიული დავები ძალადობრივი მეთოდებით.

„ეს მტრული ქმედებები ასუსტებს მსოფლიოს და მის უსაფრთხოებას, გაეროს წევრი სახელმწიფოები, განსაკუთრებით უშიშროების საბჭოს მუდმივი წევრები, გაეროს წესდებით უნდა იცავდნენ წესებს, პასუხი აგებინონ მათ, ვინც არღვევს საერთაშორისო სამართალს, იბრძოლონ უკანონობის წინააღმდეგ“ , - განაცხადა ამერიკის სახელმწიფო მდივანმა.

მისი თქმით, ამერიკა, ჯო ბაიდენის პრეზიდენტობის პერიოდში, აქტიურად მონაწილეობს საერთაშორისო ინსტიტუტების საქმიანობაში, დაბრუნდა ჯანმო-ში, კლიმატის ცვლილების პარიზის შეთანხმებაში, გაეროს ადამიანის უფლებათა საბჭოში, დიპლომატიურ სფეროში, მუშაობს ბირთვული იარაღის გაუვრცელებლობაზე, გამოყო ბევრი სახსრები „კოვაქსის“ მექანიზმისთვის, მიაწოდა კოვიდის საწინააღმდეგო ვაქცინის ათობით მილიონი დოზა სხვა ქვეყნებს ყოველგვარი პოლიტიკური ასპექტების გარეშე.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს