ინდოეთში კორონავირუსს 4 187 ადამიანის სიცოცხლე ემსხვერპლა, რაც პანდემიის დაწყების დროიდან რეკორდული დღიური მაჩვენებელია

ინდოეთში, გასული დღე-ღამის განმავლობაში, კორონავირუსით ინფიცირების 401 078 ახალი შემთხვევა გამოვლინდა და ინფიცირებულთა საერთო რაოდენობამ 21.9 მილიონს მიაღწია, - შესაბამის მონაცემებს ქვეყნის ჯანდაცვის სამინისტრო ავრცელებს.

ამასთან, ქვეყანაში ვირუსს კიდევ 4 187 ინფიცირებული ემსხვერპლა და დაღუპულთა რიცხვი 240 000-მდე გაიზარდა. აღსანიშნავია, რომ ბოლო 24 საათში დაღუპულთა რაოდენობა რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან.

ინდოეთის თამილ ნადუს შტატმა ორშაბათიდან „ლოქდაუნი“ გამოაცხადა. კარნატაკას შტატში კი გადაადგილებაზე დაწესებული შეზღუდვები 24 მაისამდე გახანგრძლივდა.

ჯანდაცვის მსოფლიო ორგანიზაციამ ოთხშაბათს განაცხადა, რომ მსოფლიოში გასულ კვირას გამოვლენილი ინფიცირების შემთხვევების თითქმის ნახევარი და გარდაცვალების შემთხვევების მეოთხედი ინდოეთზე მოდის.

CNN-ის ინფორმაციით, ინდოეთში კოვიდსიტუაციის გაუარესებასთან ერთად ინფიცირების ახალი ტალღა სწრაფად ვრცელდება სამხრეთ და სამხრეთ-აღმოსავლეთ აზიის სხვადასხვა ქვეყანაში.

ახალი შემთხვევების რაოდენობა იზრდება ინდოეთის მიმდებარე ქვეყნებში, ნეპალიდან შრი-ლანკამდე ჩრდილოეთით და მალდივის კუნძულებზე სამხრეთით. დაინფიცირების მაჩვენებელი მაღალია ტაილანდში, კამბოჯასა და ინდონეზიაშიც.

იხილეთ ვიდეო:ინდოეთში კორონავირუსს 4 187 ადამიანის სიცოცხლე ემსხვერპლა, რაც პანდემიის დაწყების დროიდან რეკორდული დღიური მაჩვენებელია

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“