დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა თბილისში, მენაშენეების პროექტის ფარგლებში, იძულებით გადაადგილებული ოჯახების განსახლების მიზნით შესყიდული საცხოვრებელი ფართები დაათვალიერა,- ამის შესახებ “ინტერპრესნიუსს” ჯანდაცვის სამინისტროდან აცნობეს.

უწყების ცნობით, ბესარიონ სიმონიშვილი მიმდინარე სამუშაოებს ადგილზე გაეცნო.

“წლის ბოლომდე, თბილისში ახალაშენებულ კორპუსებში ბინას, ჯამში, 500-ზე მეტ დევნილ ოჯახს გადავცემთ. 260 ოროთახიანი ბინის მშენებლობის ბოლო ეტაპზე გარკვეული შეფერხებები შეიქმნა, სწორედ ამიტომ, ადგილზე, პირადად გავეცანი ვითარებას და სამშენებლო კომპანიისგან მივიღეთ დაპირება, რომ 260-ვე ბინა, უახლოეს მომავალში, ორ ნაწილად, მაისისა და ივნისის თვეებში ჩაგვბარდება. ამ პროცესს ყოველდღიურ რეჟიმში გავაკონტროლებთ“, - განაცხადა ბესარიონ სიმონიშვილმა.

როგორც ჯანდაცვის სამინისტროში აცხადებენ, დამატებით, თბილისში, კონკურსის საფუძველზე შესყიდული 240 ბინის მშენებლობა წლის ბოლოს დასრულდება.

იხილეთ ვიდეო:ბესარიონ სიმონიშვილმა იძულებით გადაადგილებული ოჯახებისთვის შესყიდული საცხოვრებელი ფართები მოინახულა