რეგიონული განვითარებისა და ინფრასტრუქტურის მინისტრის ინფორმაციით, ბათუმში მწვანე დერეფანი მოეწყობა

პრემიერ-მინისტრის ინიციატივით დაწყებული ახალი სახელმწიფო პროგრამის „განახლებული რეგიონები“ ფარგლებში შექმნილი სპეციალური კომისიის მორიგი სხდომა ბათუმში, შოთა რუსთაველის სახელობის სახელმწიფო უნივერსიტეტში გაიმართა.

აჭარის რეგიონში „განახლებული რეგიონების“ ფარგლებში განხორციელდება შემდეგი პროექტები: ბათუმი - მწვანე კორიდორი გმირთა ხეივანში; ქობულეთი - ქობულეთის სანაპირო ზოლი (მდ. აჭყვადან მდ. კინტრიშამდე); ქედა - ქედის ცენტრალური ტერიტორია (ადმინისტრაციული ცენტრი); შუახევი - კულტურის ცენტრი და მიმდებარე ტერიტორია; ხულო - მემედ აბაშიძის ქუჩა, რუსთაველის და ტბელ-აბუსერიძის ქუჩები; ხელვაჩაური - მუნიციპალიტეტის სხვადასხვა მდებარეობებზე არსებული სკვერები და ბავშვების გასართობი ადგილები.

როგორც სხდომის დასრულების შემდეგ რეგიონული განვითარებისა და ინფრასტრუქტურის მინისტრმა ირაკლი ქარსელაძემ ჟურნალისტებს განუცხადა, ბათუმში უპრეცედენტო მწვანე დერეფანი მოეწყობა, ქობულეთში კი გაშენდება ბულვარი, რომლის ფარგლებშიც მოეწყობა როგორც რეკრეაციული სივრცე, ასევე სპორტულ-გამაჯანსაღებელი ინფრასტრუქტურა.

„ქალაქ ბათუმში უპრეცედენტო მწვანე დერეფანი მოეწყობა, რომელიც პერპენდიკულარულია არსებული ბულვარის და ფაქტობრივად პირველი, უკვე სივრცეში შეჭრილი ბულვარი, მწვანე სივრცე შეიქმნება. ეს მნიშვნელოვნად შეუწყობს ხელს არსებული განაშენიანების რეკრეაციული კუთხით უზრუნველყოფას, ასევე უბიძგებს ახალ განაშენიანებებს, კიდევ უფრო ინტენსიურად განვითარდეს.

ქობულეთს აქვს ძალიან საინტერესო პროექტი ბულვარის მოწყობასთან დაკავშირებით იქ, სადაც დღეს რეალურად არაფერი არაა და ამავდროულად, ძალიან დიდი პოტენციალია. ძალიან საინტერესო კონცეფცია იქნება ბულვარის, რომელიც იქნება დახუნძლული გარდა რეკრეაციული სივრცისა, ასევე სპორტული გამაჯანსაღებელი და სხვა ფუნქციური ელემენტებით.

საინტერესო პროექტია წარმოდგენილი ასევე ხულოს მუნიციპალიტეტის მიერ. იმედი გვაქვს, რომ კვალიფიციური არქიტექტურული და ურბანული კომპანიები მოახერხებენ, რომ აღნიშნული მდებარეობა თვისობრივად ბევრად უფრო საინტერესოდ და ახალი შესაძლებლობებით დაიხუნძლოს“,- განაცხადა ქარსელაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024