Reuters-ი საინფორმაციო სააგენტო Belta-ზე დაყრდნობით იუწყება, რომ ბელორუსიის პრეზიდენტმა, ალექსანდრე ლუკაშენკომ ხელი მოაწერა განკარგულებას, რომელიც შესაძლებელს გახდის პრეზიდენტის უფლებამოსილების გადაცემას უსაფრთხოების საბჭოსთვის, იმ შემთხვევაში, თუ პრეზიდენტის ლიკვიდაციას მოახდენენ ან ის რაიმე სხვა გარემოების გამო ვეღარ მოახერხებს საკუთარი მოვალეობის შესრულებას.
ლუკაშენკომ აპრილში განაცხადა, რომ ის აპირებს, ბელორუსში ხელისუფლების მოწყობის წესი შეცვალოს.
მანამდე, თუ პრეზიდენტის თანამდებობა ვაკანტური გახდებოდა, ან ის ვერ შეასრულებდა თავის მოვალეობებს, უფლებამოსილება ახალი პრეზიდენტის მიერ ფიცის დადებამდე პრემიერ-მინისტრის გადაეცემოდა.