საფრანგეთის პრეზიდენტმა, ემანუელ მაკრონმა აშშ-ს მოუწოდა, Covid-19-ის ვაქცინებისა და ინგრედიენტების ექსპორტზე შეზღუდვები მოხსნას.
BBC-ს ცნობით, მან ეს პოზიცია მაშინ დააფიქსირა, რაც ევროპასა და შეერთებულ შტატებს შორის აზრთა სხვადასხვაობა ჩამოვარდა იმასთან დაკავშირებით, თუ როგორ უნდა გაიზარდოს ვაქცინების გლობალური წარმოება.
ამჟამად, მთელს მსოფლიოში მოსახლეობისთვის ვაქცინების 1,25 მილიარდი დოზაა გაკეთებული. თუმცა, არსებული ინფორმაციით, მსოფლიოს 29 უღარიბეს ქვეყანას 1%-ზე ნაკლები გადაეცა. მდიდარი ქვეყნები კი ვაქცინაციის კამპანიას აჩქარებენ. დიდ ბრიტანეთში, პირველი დოზა მოსახლეობის 67% -მა მიიღო, აშშ-ში კი - 56%-მა.
პარასკევს, ევროკავშირი შეთანხმდა, რომ დამატებით Pfizer/BioNTech ვაქცინის 900 მილიონ დოზას შეიძენს, კიდევ 900 მილიონის შეძენის დაშვებით.