საწვავის უდიდეს  მილსადენზე კიბერშეტევის გამო აშშ-ის მთავრობამ საგანგებო მდგომარეობა გამოაცხადა

აშშ-ის მთავრობამ საგანგებო მდგომარეობა გამოაცხადა მას შემდეგ, რაც ქვეყანაში საწვავის უდიდეს მილსადენზე კიბერშეტევა განხორციელდა.

მილსადენი Colonial Pipeline-ი დღეში 2.5 მილიონ ბარელ საწვავს ატარებს, რაც აღმოსავლეთ სანაპიროზე მიწოდებული დიზელის, ბენზინისა და რეაქტიული საწვავის 45%-ია.

რამდენიმე წყარომ დაადასტურა, რომ გამოსასყიდის მოთხოვნის მიზნით განხორციელებული კიბერშეტევის უკან კიბერ-კრიმინალური დაჯგუფება Dark Side- ი დგას, რომელმაც Colonial Pipeline-ის ქსელში შეაღწია და თითქმის 100 გბ მონაცემები „მძევლად აიყვანა.” თუმცა, ჯერჯერობით ოფიციალური ინფორმაცია არ არსებობს იმასთან დაკავშირებით, თუ რომელმა ჯგუფმა განახორციელა თავდასხმა.

მიტაცების შემდეგ, ჰაკერებმა ზოგიერთ კომპიუტერსა და სერვერზე მონაცემები ჩაკეტეს და გამოსასყიდი მოითხოვეს. მისი გადაუხდელობის შემთხვევაში კი ჰაკერები მონაცემების ინტერნეტით გაჟონვით იმუქრებიან.

Colonial Pipeline-ში აცხადებენ, რომ მომსახურების აღსადგენად

სამართალდამცავებთან, კიბერ უსაფრთხოების ექსპერტებსა და ენერგეტიკის დეპარტამენტთან აქტიურად მუშაობენ.

საგანგებო მდგომარეობის გამოცხადება საშუალებას იძლევა, საწვავის ტრანსპორტირება გზის საშუალებით მოხდეს. ექსპერტების თქმით, ორშაბათს საწვავის ფასები სავარაუდოდ 2-3% -ით მოიმატებს, მაგრამ თუ არსებული მდგომარეობა კიდევ გაგრძელდება და მილსადენი დახურული კიდევ მეტხანს დარჩება, ეს გავლენა გაცილებით უარესი იქნება.

იხილეთ ვიდეო:საწვავის უდიდეს მილსადენზე კიბერშეტევის გამო აშშ-ის მთავრობამ საგანგებო მდგომარეობა გამოაცხადა

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის