ჯო ბაიდენი აღმოსავლეთ ევროპის ნატო-ს ქვეყნების ვირტუალურ სამიტს შეუერთდება

აშშ-ს პრეზიდენტი ჯო ბაიდენი აღმოსავლეთ ევროპის ნატო-ს ქვეყნების ვირტუალურ სამიტს შეუერთდება, რომელიც რუმინეთის დედაქალაქ ბუქარესტში გაიმართება. ამის შესახებ რუმინეთის პრეზიდენტმა კლაუს იოჰანისმა განაცხადა. მისივე თქმით, სამიტზე ყურადღება გამახვილდება შავი ზღვის რეგიონსა და უკრაინაში უსაფრთხოებაზე.

ნატოს აღმოსავლეთ მხარეს მყოფი ევროპული ქვეყნების ჯგუფის, „ბუქარესტის ცხრიანის" სამიტს იოჰანისი და პოლონეთის პრეზიდენტი, ანდჟეი დუდა წარუძღვებიან. სამიტი მიზნად ისახავს რეგიონის ქვეყნების პოზიციების კოორდინაციას უსაფრთხოებასთან დაკავშირებით.

„სიხარულით მივესალმები ჯო ბაიდენს „ბუქარესტის ცხრიანის" სამიტზე, რომელსაც დღეს, ბუქარესტში ვმასპინძლობ.

პრეზიდენტ ანდჟეი დუდასთან ერთად ჩვენ ასევე მივესალმებით იენს სტოლტენბერგს, ნატო-ს სამიტის მოსამზადებლად, სადაც ყურადღება გამახვილებულია ტრანსატლანტიკურ კავშირებზე, ნატო 2030-ზე, თავდაცვასა და აღმოსავლეთის ნაწილის ფლანგის შეკავებაზე“, - დაწერა იოჰანისმა Twitter-ზე.

ბაიდენი, ნატო-ს გენერალური მდივანი იენს სტოლტენბერგი, ბულგარეთის, ჩეხეთის, ესტონეთის, უნგრეთის, ლატვიის, ლიტვისა და სლოვაკეთის პრეზიდენტებმა სამიტზე ვიდეო კონფერენციის მეშვეობით ჩაერთვებიან.

„განცხადებაში, რომელსაც „ცხრიანი" შეხვედრის დასრულების შემდეგ გამოაქვეყნებს, წარმოდგენილი იქნება უსაფრთხოების საკითხი შავი ზღვის რეგიონში და ამასთან დაკავშირებული უსაფრთხოების საკითხები უკრაინაში”, - განუცხადა ჟურნალისტებს პოლონეთის ეროვნული უსაფრთხოების ბიუროს ხელმძღვანელმა, პაველ სოლოჩმა.

ამ თვის დასაწყისში ვაშინგტონმა თქვა, რომ მას შეუძლია, გაზარდოს კიევის დახმარება უსაფრთხოების მიმართულებით. ეს განცხადება მას შემდეგ გაკეთდა, რაც რუსეთმა ჯარები გადაისროლა დონბასის რეგიონის საზღვართან, სადაც უკრაინის ჯარები მოსკოვის მიერ მხარდაჭერილ სეპარატისტებთან კონფლიქტში არიან.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა