Reuters-ის ცნობით, სომალის დედაქალაქ მოგადიშოში, რაიონის პოლიციის განყოფილების წინ თვითმკვლელი ტერორისტის მიერ ბომბის აფეთქების შედეგად ექვსი პოლიციელი დაიღუპა.
მომხდარზე პასუხისმგებლობა ალ შაბააბის ისლამისტურმა ჯგუფმა აიღო, თუმცა აღნიშნეს, რომ მათი სამიზნე პოლიციის 5 მეთაურის მოკვლა იყო, მათ შორის, რაიონი ვაბერის პოლიციის განყოფილების მეთაურის, რომელიც 6 გარდაცვლილს შორისაა.
ალ შაბააბი 2008 წლიდან სომალის საერთაშორისოდ მხარდაჭერილი ცენტრალური მთავრობის დამხობისა და საკუთარი მმართველობის დამკვიდრებისთვის იბრძვის, რაც ისლამური კანონის მკაცრ ინტერპრეტაციაზე იქნება დაფუძნებული. ჯგუფი იარაღითა და ბომბებით თავდასხმებს მოგადიშოში და სომალის სხვა ნაწილებში რეგულარულად ახორციელებს.