იაპონიაში, ფუკუშიმას პრეფექტურის ქალაქ ივაკიში მდებარე ქიმიურ ქარხანაში აფეთქება მოხდა, რის შედეგადაც 4 ადამიანი დაშავდა, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, სამ დაშავებულს დამწვრობები აქვს მიღებული, მათგან ერთის მდგომარეობა მძიმეა.

ქარხანა აწარმოებს მასალებს, მათ შორის თუთიის ოქსიდს და თუთიის ფხვნილს, რომლებიც კოსმეტიკური საშუალებებისა და საღებავების დასამზადებლად გამოიყენება.

აფეთქების დროს ქარხანაში 18 თანამშრომელი და კომპანიის ბიზნეს პარტნიორის რამდენიმე წარმომადგენელი იმყოფებოდა.