ევროკავშირი ღაზას სექტორიდან ისრაელის მიმართულებით განხორციელებულ სარაკეტო თავდასხმას გმობს და მშვიდობიან მოსახლეობაში მსხვერპლის თავიდან აცილების მიზნით მხარეებს დეესკალაციისკენ მოუწოდებს.

„საჭიროა, ოკუპირებულ დასავლეთ სანაპიროზე, აღმოსავლეთ იერუსალიმში, ღაზასა და მის მიდამოებში, მნიშვნელოვნად გაზრდილი ძალადობა დაუყოვნებლივ შეწყდეს. ღაზას სექტორიდან ისრაელში, მშვიდობიანი მოსახლეობის წინააღმდეგ რაკეტების სროლა სრულიად მიუღებელია და ესკალაციურ დინამიკას კვებავს", - ნათქვამია ევროკომისიის მიერ გავრცელებულ განცხადებაში.

ცნობისათვის, პალესტინელებსა და ისრაელს შორის გუშინ დაწყებული სარაკეტო თავდასხმები დღეს დილითაც გაგრძელდა. პალესტინელებმა ისრაელს რაკეტები დაუშინეს, რის საპასუხოდაც ისრაელმა ღაზას სექტორზე ავიაიერიში განახორციელა.