ირაკლი კობახიძე - საარჩევნო კოდექსში განსახორციელებელი ცვლილებების პაკეტი, რომელიც წარმოდგენილია, არჩევნების გაყალბებაზე საუბრის საბაბსაც არ დატოვებს

საარჩევნო კოდექსში განსახორციელებელი ცვლილებების პაკეტი, რომელიც წარმოდგენილია, არჩევნების გაყალბებაზე საუბრის საბაბსაც არ დატოვებს, - ამის შესახებ პარტია „ქართული ოცნება - დემოკრატიული საქართველოს“ თავმჯდომარე ირაკლი კობახიძე ჟურნალისტებს განუცხადა.

როგორც კობახიძემ აღნიშნა, არავითარი კითხვის ნიშნები არ არის იმ პაკეტთან დაკავშირებით, რომელიც მმართველმა პარტიამ წარადგინა.

„არჩევნების გაყალბებაზე საუბრის საფუძველი 2020 წელსაც არ არსებობდა, მაგრამ რაც შეეხება საბაბს, საარჩევნო კოდექსში განსახორციელებელი ცვლილებების პაკეტი, რომელიც წარმოდგენილია, არჩევნების გაყალბებაზე საუბრის საბაბსაც არ დატოვებს. აქ არის საუბარი იმაზე, რომ იზრდება ოპოზიციის წარმომადგენლობა საარჩევნო ადმინისტრაციაში სამივე დონეზე. 8 ოპოზიციური პოლიტიკური პარტია იქნება 5 წევრით წარმოდგენილი, რაც მნიშვნელოვანია. ასევე, შემოგვაქვს გადათვლის მექანიზმი, რაც შემთხვევითი შერჩევის პრინციპით მინიმუმ უბნების 10%-ს გადათვლის. ამას ნულამდე დაჰყავს ყოველგვარი შანსიც კი რაიმე ტიპის მანიპულაციის. აქედან გამომდინარე, არავითარი კითხვის ნიშნები აღარ რჩება იმ პაკეტთან დაკავშირებით, რომელიც წარდგენილია ჩვენი მხრიდან“, - განაცხადა კობახიძემ.

ამასთან, კობახიძემ განმარტა, რომ ცესკოს თავმჯდომარის მოადგილეების საკითხი არ არის პრინციპული საკითხი, რამაც შეთანხმების კუთხით შეიძლება პრობლემა შექმნას.

„ან ასე ან ისე შევჯერდებით რაღაცაზე. განსაკუთრებული, პრინციპული მნიშვნელობა არ აქვს ამას არცერთი მხარისთვის“, - განაცხადა კობახიძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია