ისრაელის თავდაცვის მინისტრი, ბენი განცი აცხადებს, რომ ისრაელი კიდევ ბევრ სამიზნეს ამუშავებს, რომლებსაც შეიძლება ღაზას სექტორში დაარტყას.

მისი თქმით, ტერორისტული ორგანიზაციები ”სასტიკად დაზარალდნენ და კვლავ დარტყმის ქვეშ იქნებიან, რადგან მათ უგუნური გადაწყვეტილება მიიღეს ისრაელზე შეტევის სახით”.

განცმა სიმშვიდისკენ მოუწოდა არაბებსა და ებრაელებს.

ისრაელის თავდაცვის ძალების შტაბის უფროსი ავივ კოჰავი აცხადებს, რომ ისრაელის სამხედრო დანაყოფებმა ბოლო დღენახევრის განმავლობაში იერიში 500-მდე სამიზნეზე მიიტანეს, მოკლეს ათობით ტერორისტი, რაც, მისი თქმით, ამ ანკლავში პალესტინური ტერორისტული ჯგუფებისთვის მტკივნეულია. კოჰავის თქმით, სამხედროები განაგრძობენ ღაზას სექტორში დარტყმებს „ჰამასისა“ და „პალესტინის ისლამური ჯიჰადის“ ობიექტებზე და მზად არიან ფართო კონფლიქტისთვის.