რუსეთში რუმინეთი საელჩოს თანამშრომელი პერსონა ნონ გრატად გამოცხადდა, - ამის შესახებ ინფორმაციას რუსული მედია ქვეყნის საგარეო საქმეთა სამინისტროზე დაყრდნობით ავრცელებს.
უწყების ცნობით, რუსეთმა ეს გადაწყვეტილება ბუქარესტიდან რუსი დიპლომატის გამოძევების საპასუხოდ მიიღო.
„რუმინეთის ელჩი კრისტიან ისტრატე რუსეთის საგარეო საქმეთა სამინისტროში გამოიძახეს, სადაც მას გადაეცა სამინისტროს ნოტა, რომელშიც ნათქვამია, რომ კაპიტანი გ. ილიესკუ, რუმინეთის საელჩოს სამხედრო ატაშის თანაშემწე, პერსონა ნონ გრატად გამოცხდდა,“- აცხადებენ რუსეთის საგარეო უწყებაში.
მათი ინფორმაციით, რუმინელ დიპლომატს ქვეყნის დასატოვებლად 72 საათი აქვს.