აშშ-ის დაავადებათა კონტროლისა და პრევენციის ცენტრმა „ფაიზერის“ ვაქცინის 12-15 წლის ასაკის ბავშვებში გამოყენებას მხარი დაუჭირა

აშშ-ის დაავადებათა კონტროლისა და პრევენციის ცენტრმა (CDC) მხარი დაუჭირა გეგმას „ფაიზერ“/“ბიოტექის“ კორონავირუსის საწინააღმდეგო ვაქცინის 12-15 წლის მოზარდებში გამოყენების შესახებ.

დაავადებათა კონტროლისა და პრევენციის ცენტრის დირექტორის, როშელ ვალენსკის განცხადებით, უწყება ვაქცინის გამოყენების ოფიციალურ რეკომენდაციას იძლევა. მისი თქმით, გადაწყვეტილება ვაქცინაციის საშუალებას დაახლოებით 17 მილიონამდე მოზარდს მისცემს.

იმუნიზაციის პრაქტიკის მრჩეველთა კომიტეტმა, რომელიც დაავადებათა კონტროლისა და პრევენციის ცენტრს რეკომენდაციებს აძლევს, „ფაიზერ“/“ბიოტექის“ ვაქცინის 12-15 წლის მოზარდებში გამოყენებას მხარი 14 ხმით არცერთის წინააღმდეგ დაუჭირა. კომიტეტმა განიხილა კლინიკური ცდის შედეგები, რომელმაც აჩვენა, რომ ამ ასაკის ვაქცინირებულ მოზარდებში კორონავირუსით ინფიცირების არცერთი შემთხვევა არ გამოვლენილა.

აშშ -ის ზოგიერთმა შტატმა, მათ შორის ჯორჯიამ, დელავერმა და არკანზასმა, ვაქცინის 12 წლის და უფროსი ასაკის ბავშვებისთვის შეთავაზება უკვე დაიწყეს მას შემდეგ რაც ორშაბათს აშშ-ის სურსათისა და წამლის ადმინისტრაციამ (FDA) ვაქცინის გამოყენების უფლება გასცა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს