პარლამენტის თავმჯდომარემ კახა კუჭავამ 1981 წლის 13 მაისს თბილისის „დინამოს“ მიერ მოპოვებული გამარჯვება გაიხსენა.
მისი თქმით, 13 მაისი საამაყო დღეა.
„არ შემიძლია, არ აღვნიშნო დღევანდელი დღე, რომელიც მართალია, 40 წლის წინ იყო და არ მივულოცო ის დიდი გამარჯვება ჩვენს ქართველ სპორტსმენებს. დღეს 13 მაისია და ნამდვილად საამაყო დღეა. იმედს ვიტოვებ, რომ გამარჯვებებს, რომლებიც სპორტის სხვა სახეობებშიც გვაქვს, როგორებიცაა რაგბი, ჩოგბურთი, ძალოსნობა, კალათბურთი და ასე შემდეგ, მათი საამაყო წარმომადგენლები მიგვაღწევინებენ დიდ შედეგებს“, - განაცხადა კახა კუჭავამ.