გაეროში ჩინეთის მუდმივი წარმომადგენლობის პრესსამსახური იუწყება, რომ 14 მაისს გაეროს უშიშროების საბჭოს სხდომა ისრაელ-პალესტინის კონფლიქტის ზონაში არსებულ ვითარებასთან დაკავშირებით აღარ გაიმართება. ამის შესახებ ებრაული მედია იუწყება.
ამის მიზეზად დასახელებულია ის ფაქტი, რომ უშიშროების საბჭოს წევრ ქვეყნებს შორის კონსენსუსის მიღწევა ვერ ხდება.
მანამდე გავრცელებული ინფორმაციით, ნორვეგიამ, ჩინეთმა და ტუნისმა 14 მაისს მოითხოვეს გაეროს უშიშროების საბჭოს სხდომის გამართვა, რომელიც მიეძღვნებოდა ისრაელი-პალესტინის კონფლიქტის ესკალაციას.
გავრცელდა ინფორმაცია, რომ სხდომა ღია იქნებოდა და მას დასწრებოდნენ ისრაელისა და პალესტინის ადმინისტრაციათა წარმომადგენლები.
ბოლო დღეების განმავლობაში გაეროს უშიშროების საბჭოს ორი სხდომა გაიმართა ვიდეოკონფერენციის ფორმატში. თუმცა, საერთო დეკლარაციის მიღება ვერ მოხერხდა.