სპეციალური პენიტენციური სამსახურის გარე დაცვისა და ინფორმაციულ-ტექნიკური უსაფრთხოების მთავარი სამმართველოს ახალწვეულებმა სამხედრო ფიცი დადეს

მინდა, ჩვენი გუნდის სახელით დაგპირდეთ, ყველაფერს გავაკეთებთ, რომ შეგიქმნათ ყველა შესაბამისი პირობა იმისათვის, რომ სამშობლოს ღირსეულად ემსახუროთ, - ასე მიმართა იუსტიციის მინისტრმა წვევამდელებს, რომლებიც დღეს სპეციალური პენიტენციური სამსახურის გარე დაცვისა და ინფორმაციულ-ტექნიკური უსაფრთხოების მთავარი სამმართველოს რიგებს შეუერთდნენ.

ამის შესახებ ინფორმაციას, იუსტიციის სამინისტროს პრესსამსახური ავრცელებს.

უწყების ცნობით, რატი ბრეგაძემ ახალწვეულებთან ერთად, სამხედრო ფიცის დადება მათ მშობლებსაც მიულოცა და აღნიშნა, რომ თავადაც წილად ხვდა, იყოს სამხედრო მოსამსახურის მამა.

„ფიცის დადების ცერემონიას იუსტიციის მინისტრთან ერთად, თავდაცვის ძალების მეთაური გიორგი მათიაშვილი დაესწრო, რაც, თავის მხრივ, უპრეცედენტო შემთხვევაა. დღესვე ცნობილი გახდა, რომ იუსტიციისა და თავდაცვის სამინისტროებს შორის თანამშრომლობა კიდევ უფრო მჭიდრო გახდება. წვევამდელებს შესაძლებლობა ექნებათ, ერთი წლის განმავლობაში ინტენსიურად მოინახულონ სამხედრო ბაზები. ასევე, ჯარისკაცების მომზადების ტაქტიკას გაეცნონ და თავდაცვის აკადემიის სასწავლო პროგრამების შესახებ ინფორმაცი ამიიღონ“,- აღნიშნულია ინფორმაციაში.

ამასთან, მინისტრმა განმარტა, რომ მომავალი თვიდან გარე დაცვისა და ინფორმაციულ-ტექნიკური უსაფრთხოების მთავარი სამმართველოს თანამშრომლებს ყოველთვიური სარგო გაეზრდებათ.

ფიცის დადების ცერემონიაზე ახალწვეულებმა საქართველოს სახელმწიფო ჰიმნი შეასრულეს. რის შემდეგაც, საქართველოს ტერიტორიული მთლიანობისათვის ბრძოლებში დაღუპულ გმირებს წუთიერი დუმილით პატივი მიაგეს.

„ფიცის დადების ცერემონია რუსთავში სპეციალური პენიტენციური სამსახურის გარე დაცვისა და ინფორმაციულ-ტექნიკური უსაფრთხოების მთავარი სამმართველოს ბაზაზე გაიმართა. სამხედრო ფიცი დღეს 18-მა წვევამდელმა დადო“,- ნათქვამია ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია