„სტრატეგია აღმაშენებლის” პოლიტსაბჭოს წევრის განცხადებით, ცვლილებების შესაბამისად დაკომპლექტდება ცენტრალური საარჩევნო კომისია, რომელსაც პოლიტიკური პარტიების და საზოგადოების ნდობა ექნება

„სტრატეგია აღმაშენებლის” პოლიტსაბჭოს წევრის ანა კობახიძის შეფასებით, ცესკო-ს დეპარტამენტების პასუხისმგებლობის საკითხიც შეიძლება დადგეს ახალი ადმინისტრაციის პირობებში, როცა საარჩევნო კოდექსის ცვლილებებზე დასრულდება მუშაობა და პარლამენტის მიერ მიღებული იქნება ახალი საარჩევნო კოდექსი. როგორც მან აღნიშნა, ცვლილებების შესაბამისად დაკომპლექტდება ცენტრალური საარჩევნო კომისია, რომელსაც პოლიტიკური პარტიების და საზოგადოების ნდობა ექნება.

„დღეს ცენტრალურმა საარჩევნო კომისიამ სხდომაზე დადგენილებაში ცვლილებები შეიტანა, რაც გულისხმობს რეორგანიზაციას სხვადასხვა დეპარტამენტებში.

რეორგანიზაცია მარტის თვეში დაიწყო, პირველ ეტაპზე მოხდა მდივნის აპარატის შექმნა და მისი ფუნქციების გაძლიერება, ახლა ეს უკვე ეხება იმ დეპარტამენტების გაძლიერებას, სადაც სახელისუფლებო პარტია ხედავს მეტ დასაყრდენს.

ამ პროცესის არასანდოობას იწვევს ის ადმინისტრაცია, რომელიც ამ დრომდეა მოქმედი, ანუ კომისია ახლა შედგება „ქართული ოცნების" 3 წევრისგან და ე.წ. ნეიტრალური წევრებისგან, რომელთა სანდოობის საკითხის გამო, ქვეყანაში არის პოლიტიკური კრიზისი.

რეორგანიზაციის აუცილებლობის საკითხი და ასევე ცესკოს დეპარტამენტების პასუხისმგებლობის საკითხიც შეიძლება დადგეს ახალი ადმინისტრაციის პირობებში, როცა საარჩევნო კოდექსის ცვლილებებზე დასრულდება მუშაობა და პარლამენტის მიერ მიღებული იქნება ახალი საარჩევნო კოდექსი. ცვლილებების შესაბამისად დაკომპლექტდება ცენტრალური საარჩევნო კომისია, რომელსაც ექნება ნდობა პოლიტიკური პარტიების და საზოგადოების.

დეტალურად შევისწავლით დღეს მიღებულ დადგენილებას, რომელიც გვაჩვენებს, რა არის რეალურად ამ რეორგანიზაციის მიზეზი. არის თუ არა რეაგირება კონკრეტული დეპარტამენტების შეცდომებზე 2020 წლის საპარლამენტო არჩევნების დროს და ამ დეპარტამენტების ხელმძღვანელი პირების პასუხისმგებლობის საკითხი დადგა თუ არა? თუ პირიქით ახალისებენ იმ დეპარტამენტებს, რომლებიც ერთგულად ემსახურნენ ბოლო და არა მარტო ბოლო არჩევნებზე", -განაცხადა ანა კობახიძემ.

ინფორმაციას “სტრატეგია აღმაშენებლის” პრესსამსახური ავრცელებს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა