აშშ-ის წარმომადგენელი თელ-ავივში სამშვიდობო მოლაპარაკებების წარმოებისთვის ჩავიდა - წერს BBC.
გამოცემის ცნობით, ცეცხლის შეწყვეტის შესახებ შეთანხმების მიღწევის მიზნით პალესტინისა და ისრაელის საკითხებში ამერიკის სახელმწიფო მდივნის თანაშემწის მოადგილე ჰადი ამრი მონაწილეობას მიიღებს მოლაპარაკებებში ისრაელთან, პალესტინასთან და გაერო-ს მაღალჩინოსნებთან.
ისრაელში აშშ-ის საელჩოს განცხადებით, ვიზიტის მიზანია "მდგრადი სიმშვიდისკენ მუშაობის აუცილებლობის განმტკიცება". მანამდე ისრაელის მედია დიპლომატიურ წყაროზე დაყრდნობით წერდა, რომ ცეცხლის შეწყვეტაზე შეთანხმების რამდენიმე დღეში მიღწევის შანსები იზრდება.